Fíggjarnevndin viðger hitan hjá Glasi mánadagin

Fíggjarnevndin viðger hitan hjá Glasi mánadagin
Fíggjarnevndin hevur sent boð eftir trimum landsstýriskvinnum og vil eisini hoyra Fjarhitafelagið
Fjarhitafelagið bjóðar sær til at geva Glasi fjarhita, og íbindingin skal vera ókeypis.
 
19.08.2016 - 13:26

Fíggjarnevndin hjá løgtinginum hevur sett av allan seinnapartin mánadagin at viðgera uppskotið hjá Rigmor Dam, landsstýriskvinnu, um jarðhita til Glasir.

Jarðhitin krevur eina íløgu, sum er 13,4 mió. kr. Og teir pengarnar hevur Rigmor Dam biðið løgtingið um.

Men mikudagin, sama dag, sum fyrsta viðgerð var í løgtinginum, boðaði Fjarhitafelagið frá, at tað hevur boðið Glasi og Landsverki fjarhita, sum ikki kostar eina krónu í íløgum.

Ikki í løgtingið

Hetta fekk løgtingið ikki at vita, tá uppskotið kom úr Mentamálaráðnum.

Bæði Landsverk, sum hevur gjørt eitt tilmæli um jarðhita saman við rektaranum á Glasi, Boga Bech Jensen, og Umhvørvisstovan siga, at jarðhitin er tann grønasta orkuloysnin. 

Fíggjarnevndin fer undir at viðgera málið klokkan eitt mánadagin. 

Tríggjar landsstýriskvinnur

Ikki færri enn tríggjar landsstýriskvinnur hava fingið fundarboð. 

Fíggjarnevndin hevur sent boð eftir Kristinu Háfoss, landsstýriskvinnu í fíggjarmálum, SEV, sum eigur Fjarhitafelagið saman við Tórshavnar kommunu, P/f Fjarhitafelagnum, Sirið Stenberg, landsstýriskvinnu í orkumálum, Kára Mortensen, deildarleiðara á Umhvørvisstovuni, hann gjørdi uppritið um jarðhitan til Glasir, Demich, sum selur hitapumpur til millum annað jarðhita, Rigmor Dam, landsstýriskvinnu í skúlamálum, Landsverki og Boga Bech Jensen, rektara á Glasi.

Bogi Bech Jensen er eisini professari í orkuverkfrøði og formaður í bygginevndini.

Er kopiera
Nýggjastu sendingar í ÚV
Mikudag 30. apríl
Mono - Minimalisma í tónleiki (2:5)
191228
Mikudag 30. apríl
LEITISSTEIN 29.04.2025
191213
Mikudag 30. apríl
KÍ og NSÍ eru í klassa fyri seg
191209
Nýggjastu sendingar í SV
Mikudag 30. apríl
Dagur og vika - teknmálstulkað
191210
Týsdag 29. apríl
Veðrið
191187
Mánadag 28. apríl
Suðuroyartunnilin og skuggatølini
191130
Sunnudag 27. apríl
Møti í Berøa í Saltangará.
191117
Sunnudag 27. apríl
Andakt
191114