Stórur áhugi fyri uppboðssøluni í Føroyum

Stórur áhugi var fyri føroysku uppboðsøluni á stevnuni fyri fiskimálaráðharrar í útnorði, sum hevur verið í Grønlandi um dagarnar.

Tað skrivar Dimmalætting í dag. 

Á fundinum vóru Høgni Hoydal, landstýrismaður í fiskivinnumálum, og Nikolaj Jerimiassen, grønlendski landstýrismðaurin í fiskivinnumálum.

Ísland var umboðað av aðalstjóranum í fiskimálaráðnum, tí íslendski ráðharrin noyddist at senda avboð. Harumframt vóru fiskifrøðingar og umboð fyri fiskivinnuna á fundinum. 

Spurdu nógv

Fundurin snúði seg, hvussu fiskastovnarnir verða best umsitnir, men stóri áhugin fyri føroysku uppboðsøluna setti dám á fundin.

Semja var ikki um, at uppboðsøla er rætti leisturin, men spurningarnir vóru nógvir, skrivar Dimmalætting.

Royndir hava verið aðrastaðni við uppboðsølu, men ikki í so stóran mun sum í Føroyum, har ætlanin er, at allur fiskurin skal á uppboðslu.

Bæði Ísland og Grønland hava kvotur, sum meira ella minni eru endaðar á privatum hondum, men tað vil Høgni Hoydal sleppa undan, sigur hann við Dimmalætting.