10 ár síðani Stord-vanlukkuna

Eitt flogfar hjá Atlantic Airways fekk ikki steðgað á breytini, fór út av endanum og oman eina brekku. 

Undir vanligum umstøðum átti flogfarið at steðgað 100 metrar frá flogvallarendanum. Eldur kom í flogfarið. Fýra fólk doyðu, ein føroysk flogterna og tríggir norskir handverkarar. Seks fólk fingu ringan skaða.

16 fólk vóru við flogfarinum, 12 ferðafólk og í manningini vóru fýra. Klokkan var júst farin av hálvgum átta týsmorgunin 10. oktober í 2006, tá vanlukkan hendi.

SÍ EISINI Sí upptøkuna: 10 ár síðani Stord-vanlukkuna

Flogfarið, sum Aker Kværner leigaði, var á veg úr Stavanger til Molde og millumlendi í Stord. Flogfarið fekk ikki steðgað, tí eingin av teimum seks spoilarunum riggaðu.

Høvuðsorsøkin til, at flogfarið ikki steðgaði, var, at neyðbremsan varð brúkt og hon læsti hjólini á flogfarinum.

Um vanlig bremsing varð brúkt, hevði flogfarið steðgað.

að eydnaðist ikki norsku skaðanevndini at fáa greiðu á, hví spoilararnir ikki riggaðu.

Amerikanska sjónvarpsstøðin National Geographic hevur gjørt eina sending um vanlukkuna í Stord. Sendingin varð sýnd fyrst í hesum árinum. Flogfarið, sum varð bygt í 1987, kolaðist upp.