Minst líka spennandi í Fugloy sum í Havn

Kommunuval líkist ikki løgtingsvali, tí tað er lokalt, og í Fugloy eru tey líka spent, hvør verður valdur kommunustýrið har, sum havnarfólk eru spent at frætta, hvør verður valdur í býráðið í landsins størstu kommunu.

Tað sigur Jóannes Hansen, samfelagsfrøðingur, sum hevur fylgt øllum valum í kringvarpinum síðani 1994.

Hann sigur, at áhugin at stilla upp til kommunuvalið er misjavnur kring landið, men nú vilja løgtingsfólk fegin verða vald í býráðið í Havn.

Orsøkin er helst, at tingið hevur minni at gera enn fyrr.