Skrivaðu undir í nátt

Tey, sum hugdu at Degi og Viku fyrr í kvøld, fingu fatan av, at øll vóru glað í samgonguni, sum Javnaðarflokkurin, Fólkaflokkurin og Sambandsflokkurin ætlaðu at skipa eftir býráðsvalið í Havn í gjár.

Í nátt skrivaðu flokkarnir um eitt samstarvsskjal, har flokkarnir eisini býttu formansessirnar í nevndunum millum sínum.

Sambært hesi avtaluni skuldi Heðin Mortensen halda fram sum borgarstjóri, og Annika Olsen skuldi verða varaborgarstjóri.

Og sambært Degi og Viku var Annika Olsen væl nøgd við býtið.

Síðani hava samráðingar verið Tjóðveldi og Framsókn, og í hesum samráðingum hevur Fólkaflokkurin fingið boðið borgarstjórasessin.

Heðin Mortensen sigur við in.fo í kvøld, at hann er skelkaður av Anniku Olsen og Boga Andreasen í Fólkaflokkinum. 

– Vit gjørdu eina greiða avtalu í nátt, og vit hava sitið og samráðst í allan dag. Vit hava býtt nevndarsessir ímillum okkum. Og nú, tá vit eru komin á mál, boðar Annika Olsen brádliga frá, at hon fer at skipa samgongu saman við Tjóðveldinum, sigur Heðin Mortensen við in.fo.