Hon bíðar enn eftir fundarboðum

Sambært kommunustýrislógini skal valda býráðið hava skipað seg innan nýggjár, tí tað tekur við 1. januar.

Nýggjársaftan er leygardagin, tað vil siga um fýra dagar. Tí eru bara fáir dagar eftir til nýggja býráðið, sambært lógini, skal skipa seg.

Borgarstjórin kallar saman

Tað er Heðin Mortensen, ið er fyrstvaldur í Tórshavnar býráð, ið skal kalla býráðið saman, men tað hevur hann ikki gjørt enn.

Útvarpið hevur roynt at fingið fatur á Heðini Mortensen, borgarstjóra í Havn, men tað eydnaðist ikki útvarpinum til tíðindasendingina á døgurða.

Tað er langt síðani greitt, at Annika Olsen verður nýggjur borgarstjóri í Havn, tí Fólkaflokkurin, Tjóðveldi og Framsókn hava gjørt avtalum um samgongu í Tórshavnar býráð næstu fýra árini.