Skaðar fyri útivið 50 milliónir

Skaðar fyri útivið 50 milliónir
Ódnirnar, sum gjørdu um seg á jólum, eru ein fíggjarligur smeitur hjá tryggingarfeløgunum. Til samans 2.400 skaðar eru fráboðaðir
Ódnirnar, sum herjaðu Føroyar millum jól og nýggjár, hava gjørt skaðar fyri nógvar milliónir krónur tilsamans
 
02.01.2017 - 12:20

Kringvarpið hevur í dag tosað við Tryggingarfelagið Føroyar og Trygd, sum siga, at skaðar eru fyri til samans 45-50 milliónir krónur.

Tryggingarfelagið Føroyar hevur fingið 1.700 fráboðanir um skaðar. Heðin D. Poulsen deildarstjóri fyri skaðaøki sigur, at metingarnir higartil vísa, at skaðarnir kosta umleið góðar 30 milliónir krónur. 

Tað kann tó blíva meira umfatandi, sigur Heðin D. Poulsen hjá Tryggingarfelagnum Føroyum. Tað verður greitt, tá hugt er nærri at ymsum skaðum.

Óvist hvussu nógv kundar fáa endurgoldið

Trygginarfelagið Trygd hevur fingið 700 fráboðanir um skaðar. Ella Mortensen, deildarleiðari fyri skaðatænastuna sigur, at tey meta, at skaði er gjørdur fyri umleið 15-20 milliónir krónur.

Sostatt er talan til samans um skaðar fyri 45-50 milliónir krónur, siga fyribils metingarnar hjá teimum báðum tryggingarfeløgunum.

Enn er tó ikki greitt, hvussu stóran part tey bæði tryggingarfeløgini eiga og fara at rinda sínum kundum. Tað vita tey seinni í mánaðinum.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442
Sunnudag 15. november
Eitt dýpi av dýrari tíð 2:2
216214