Innsavning heldur fram

Íslendingar halda fram at savna inn pening til føroyingar eftir ódnirnar á jólum allan januar mánað. Higartil eru 250.000 krónur innsavnaðar

Innsavningin í Íslandi eftir ódnirnar í Føroyum um jóltíðir heldur fram allan januar. Men síðst í hesari vikuni verður avgjørt, hvør fær pengarnar

Mynd: Savnsmynd/lesaramynd: Rúni Sundberg Patursson

Høgni Djurhuus

Bjarni Mohr

05.01.2017 - 07:37

Innsavningin í Íslandi eftir ódnirnar í Føroyum um jóltíðir heldur fram allan januar. Men síðst í hesari vikuni verður avgjørt, hvør fær pengarnar. Sannlíkast er, at bjargingarfeløgini í Føroyum fáa pengarnar.

Higartil eru savnaðar 250.000 krónur í okkara pengum. Hóast landsstýrið ikki vil hava pengar úr Íslandi, heldur innsavningin fram.

SÍ EISINI Siga »nei« til hjálp: Nú øsa fólk seg

Fráboðanin frá Poul Michelsen, landsstýrismanni, er bara galdandi fyri fíggjarligan stuðul frá íslendsku myndugleikunum, siga tey, sum standa fyri innsavningini í Íslandi.

Hon er ikki galdandi fyri pengar, sum onnur í Íslandi lata føroyingum. Innsavningin er á facebooksíðuni, sum eitur Føroyingar og íslendingar eru frændur. Sí meira her.