Kvinnur í besta aldri hava ikki arbeiði

Kvinnur í besta aldri hava ikki arbeiði
Hagstovan heldur, at tað er merkisvert, at so nógvar ungar kvinnur eru arbeiðsleysar
 
25.01.2017 - 08:34

Nógvar kvinnur í besta aldri, 25 til 34 ár, hava ikki arbeiði.

Hagstovan, sum hevur kunngjørt arbeiðsloysistølini fyri desember 2016, heldur, at merkisvert stórt er arbeiðsloysið hjá ungum kvinnum.

Tað var 5,5 prosent, sum er dupult so stórt sum hjá monnum í sama aldursbólki, og næstan dupult so stórt sum miðaltalið fyri allar kvinnur í arbeiðsloysistølunum.

Í desember í fjør var árstíðarjavnaða fulltíðararbeiðsloysið í Føroyum 2,5 prosent, 2,1 prosent hjá monnum og 2,9 prosent hjá kvinnum. Hetta var minsta arbeiðsloysið í fjør.

Árstíðarjavnað tøl eru reinsað fyri árstíðarfrávik, sum er afturvendandi sveiggið í virkseminum millum vár og summar, heyst og vetur. 

Hetta ger, at til ber at hyggja at gongdini mánað fyri mánað, uttan at reglulig sveiggj millum árstíðirnar órógva samanberingina.

Í desember í fjør vóru 76 færri kvinnur og 56 færri menn enn í juli skrásett hjá ALS og Almannaverkinum at vera arbeiðsleys.

693 fólk vóru arbeiðsleys í desember.

 

Er kopiera
Nýggjastu sendingar í ÚV
Leygardag 3. mai
Plátupanelið #029 (Endaløg)
191384
Leygardag 3. mai
Vikan 3. mai 2025
191375
Leygardag 3. mai
Morgunlestur leygardagur 3.mai 2025
191019
Nýggjastu sendingar í SV
Fríggjadag 2. mai
Veðrið
191347
Fríggjadag 2. mai
KAKUMiKS (5:7)
191336
Hósdag 1. mai
Grønir fingrar (1:3)
191286
Mikudag 30. apríl
Dagur og vika - teknmálstulkað
191210
Týsdag 29. apríl
Veðrið
191187