Afturkalla fryst jarðber

Heilsufrøðiliga Starvsstovan boðar frá, at tvey sløg av frystum jarðberum verða afturkallaði, tí Roskildesjúku-virus er staðfest í sýnum av berunum.

Talan er um fryst jarðber frá Gestus og frá Coop, og báðar vørurnar eru seldar í Føroyum. 

Um berini ikki verða hitaviðgjørd, áðrenn tey verða etin, soleiðis at virus verður dripið, er vandi fyri Roskildesjúku.

Sjúkutekin eru spýggja, kvalmi og leyst lív. Sjúkutekin vísa seg vanliga 1-2 samdøgur eftir, at tú ert smittaður og vara vanliga í 1-3 samdøgur.

Tú kanst lata vøruna aftur, har hon er keypt, ella beina hana burtur, skrivar Heilsufrøðiliga Starvsstovan.

Nærri kunning um afturkallaðu berini sæst umvegis leinkjurnar niðanfyri til heimasíðuna hjá Heilsufrøðiligu Starvsstovuni.

Kunning um berini frá Gestus

Kunning um berini frá Coop