Leggur seg út í kjakið

Løgmaður leggur seg nú út í kjakið um skattamálið millum TAKS og Eik.Við Sosialin sigur Aksel V. Johannesen, at hann undrast á, at føroyingar ikki fáa at vita, hvør orsøkin er til endaligu niðurstøðuna. 

- Eik Banki hevur út við helvtina av bankakundunum í Føroyum, og kundi tí havt áhuga í, at føroyingurin ikki illgitti um, hvørt bankin tilvitað ella av grovum ósketni hevur roynt at lumpað landskassan. So leingi lok verður lagt á málið, verður latið upp fyri illgitingum, sigur løgmaður við Sosialin í dag. 

Landsstýrismaðurin samdur við løgmann

- Eik skyldar Føroya fólki at greiða frá, hvat stendur í niðurstøðuni. Upphæddin er so stór, at Føroya fólk hevur rætt til at vita, hvat hendi, sigur Poul Michelsen við Sosialin.

Fíggjarmálaráðið fer nú at kanna, hvussu TAKS hevur handfarið málið. Og tað fegnast Aksel V. Johannesen, løgmaður, um. 

- Tá verður okkum greitt, hvussu TAKS hevur handfarið málið, og hetta fer vónandi at tryggja, at borgarin eisini framefitr fer at hava álit á TAKS, sigur Aksel V. Johannesen, løgmaður við Sosialin í dag.