KÍF í FM-finaluni

Gleðin var stór í Kollafirði í dag, tá tað var greitt, at KÍF hevði spælt seg í fyrstu FM-finaluna í søgu felagsins.

Undan dystinum móti Fleyr í dag var neyðugt við einum sigri, um KÍF skuldi spæla seg í finaluna.

Tað gjørdu tær ruddiliga. Tær vunnu 3-0 á Fleyr. Sett úrslitini vóru 25-18,25-20,25-16.

Við sigrinum hevur KÍF tryggjað sær, at tær enda á øðrum plássi, sum gevur FM-finalupláss.

KÍF møtir Drátti, sum er á fyrsta plássi, í finaluni. Finalan verður avgjørd yvir tveir dystir í Havn tann 13. og 15. apríl.