Eiga ikki at taka gongdina fyri givið

Niels Winther umboðaði arbeiðsgevararnar í arbeiðsbólkinum, sum gjørdi heildarætlanina um fólkaflyting og fólkavøkstur fyri fýra árum síðani.

Hann fegnast um, at gongdin er vend, og at serliga kvinnur flyta til Føroya, tí undirskotið av kvinnum í landinum hevur verið so stórt.

- Vit skulu kortini bera okkum at, sum at hetta ikki fer at halda fram, men alla tiðina hugsa um at fremja neyðug tiltøk, so fólk flyta aftur til landið, sigur ráðgevin í Vinnuhúsinum.

Niels Winther var gestur í Degi og Viku í kvøld.