- Ætlanirnar ov víðgongdar

Betri-samtakinum dámar als ikki broytingarnar, sum Poul Michelsen, landsstýrismaður, ætlar at fáa gjørt í teirra fyritøkum, við at broyta lógina.

- Tær eru víðgongdar og bara rættaðar móti okkum, sigur Árni D. Brattaberg, nevndarformaður í Betri P/F.

Tað eru ikki meira enn tvær vikur síðani, at Betri-samtakið kunngjørdi nýggjan leiðslubygnað. Men tann bygnaðurin kann ikki brúkast, fær Poul Michelsen, landsstýrismaður síni uppskot um tvær lógarbroytingar ígjøgnum, sum nú eru sendar til hoyringar.

Tí meðan Súni Schwartz Jacobsen í dag er forstjóri bæði í haldfelagnum Betri P/F, Betri Banka og Betri Trygging, verður ein avleiðingin av uppskotinum hjá Poul Michelsen, at tríggir ymiskir persónur skula vera forstjórar í haldfelagið, banka og tryggingarfelagið.

Men Betri-samtakið dámar ikki uppskotið hjá Poul Michelsen. 

- Vit halda okkum hava ein góðan bygna, sum ger, at vit kunna reka okkara samtak javnbjóðis við okkara kappingarneytar, sigur Arni D. Brattaberg, nevndarformaður í Betri P/F.