Kostnaðurin mettur til 100 milliónir

Tá hevur politistøðin kostað danska statinum hundrað milliónir krónur. Arbeiðið at umbyggja og útbyggja skal bjóðast út í øllum ES-londum, tí staturin stendur fyri arbeiðinum.

Men føroysk byggivirki sleppa eisini at bjóða. John Kølbæk, fúti, sigur við útvarpið, at alt hetta árið fer til at gera verkætlanina og bjóða hana út.

Arbeiðið at bróta niður verður gjørt næsta vár, og so byrjar umbyggingin seint á vári ella tíðliga um summarið. Millum annað skal ein hædd byggjast omaná:

Ábøtur gerast fyri umleið 100 milliónir

Tað var í oktober í fjør, at Bygningsstyrelsen keypti bankabygningin og grannaognina fyri 41,5 milliónir krónur.

Avtalan við Tórshavnar býráð um keypið varð tó gjørd ein av fyrstu døgunum í árinum, men tað tók drúgva tíð at fáa pengarnar frá donsku fíggjarnevndini.

Politiið skal so leiga frá Bygningsstyrelsen. Og tað verður ikki bíligt, sambært John Kølbæk, fúta.