Søvnini eru ov ósjónlig

Fornminnissavnið og bygdasøvnini eru ov ósjónlig, og nógv fornminni eru ikki kannað ella hildin viðlíka.

Tað stendur í niðurstøðuni í tilmælinum um ferðavinnu, sum er handað landsstýrismanninum.

Bólkurin, ið hevur gjørt tilmælið heldur, at tørvur er á, at lands- og bygdasøvn samskipa sítt virksemi og virka fyri hægri dygd á søvnunum kring landið. 

Somuleiðis er neyðugt at seta størri orku av til kunning, skelti og annað.

Tað er ein bólkur við starsvfólkum úr uttanríkis- og vinnumálaráðnum, umboðum fyri kunningarstovurnar, kommunurnar og onnur, ið hevur skrivað heildarætlanina.