Hundraðtals milliónir fyri skeytið

Hundraðtals milliónir fyri skeytið
400 milliónir um árið afturat kunnu vinnast í grønlendsku fiskivinnuni, verða krøvini til vinnuna broytt, kemur fram í nýggjari frágreiðing
 
09.05.2017 - 11:33

Hagstovnurin í Grønlandi leggur nú trýst á landsstýrið um at almannakunngera eina frágreiðing um nýskipan av grønlendsku fiskivinnuni.

Hetta er ein frágreiðing, sum staðfestir, at Grønland kann fáa útivið 400 milliónir krónur eyka um árið burtur úr fiskivinnuni, um ymiskar nýskipanir verða gjørdar. 

Hundraðtals størv hvørva

Men nýskipanirnar fara samstundis at hava við sær, at fleiri flakavirki kring landið mugu lata aftur. Avleiðingin av tí verður, at 430 arbeiðspláss hvørva.

Frágreiðingin var liðug í desember mánað, men er enn ikki almannakunngjørd. Fjølmiðlar í Grønlandi hava tó fingið hendur á henni. 

Tað er nevndin í Grønlands Statistik, sum hevur bílagt frágreiðingina frá granskarum á universitetinum í Keypmannahavn. Nevndin heitir nú í tíðindaskrivi á landsstýrið um at almannakunngera frágreiðingina.

Fiskimark takast burtur

Í grønlendska landsstýrinum duga tey ikki at siga, hví frágreiðingin, sum granskarar á Københavns universitet hava gjørt, enn ikki er almannakunngjørd. 

Eitt av uppskotunum í frágreiðingini er at taka burtur landingarskylduna hjá rækjutrolarunum og at taka burtur markið millum fiskiskapin á landleiðini. 

Júst landingarskyldan heldur í dag lív í flakavirkjunum kring landið og útvegar arbeiðspláss í økjunum. Verður hon tikin burtur, kann hetta hava við sær, at yvir 400 arbeiðspláss hvørva.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592