Grindaformenn í Skálafirði

Skálafjørður, sum nú er fyribils góðkend sum hvalvág, hevur fingið grindaformenn, upplýsir Runavíkar kommuna.

Jacob Vestergaard, sýslumaður í Eysturoynni, hevur eftir tilráðing gjørt av, at Jógvan Christiansen, Skála, Regin Borðoy, Skálafirði, Ludvík við Stein, Glyvrum og Jón Nónklett, Saltangará, eru grindaformenn.

Tummas Petur Thomassen, Runavík og Heri Petersen, Tórshavn, eru varagrindaformenn. Heri Petersen er fyri Skálafjørð.

Útgerðin til hvalvágina í Funningsfirði verður væntandi brúkt, tá fyrsta grindin leggur beinini í Skálafirði.