Andstøðan vil hava fiskidagar í 12 mánaðir

Andstøðan í Vinnunevndini bjóðaði nevndarlimunum hjá samgonguni at gera semju um fiskidagar í 12 mánaðir.

Hetta var á fundinum í nevndini mánadagin.

Nevndarlimirnir í samgonguni tóktust hava áhuga fyri slíkari semju, sigur Jørgen Niclasen í Fólkaflokkinum.

Andstøðan hevur einki frætt aftur frá samgonguni, men fundur verður aftur í Vinnunevndini seinnapartin í morgin.

Bjarni Hammer, formaður í Vinnunevndini, vil ikki siga nú, um samgongan tekur undir við 12 mánaðum ella 16.

Tey arbeiða enn við málinum um fiskidagar. 

Hann vónar, at tey verða liðug í dag ella í morgin.