Spyr heilsumálaráðharran um KBU í Føroyum

Spurningurin um KBU-skipanina hjá føroyingum, sum lesa til lækna, er komin í fólkatingið.

Magni Arge, fólkatingsmaður, spyr Ellen Trane Nørby, heilsumálaráðharra, um tað er skilagott at broyta skipanina í Føroyum, so tað gerst lættari hjá læknalesandi og nýútbúnum læknum at sleppa framat KBU í Føroyum.

Sum er eru føroyingar saman við dønum við í lutakastinum um KBU plássini í Føroyum.

KBU er stytting fyri klinisk basis uddannelse, tað sum fyrr kallaðist turnus.

Í løtuni lesa okkurt um 80 føroyingar til lækna í Danmark.

Nógv tey flestu vilja í KBU í Føroyum.