Fimm vilja verða næsti landslæknin í Føroyum

Fimm umsóknir eru komnar til starvið sum landslækni í Føroyum.

Tað upplýsir Styrelsen for Patientsikkerhed í Danmark, sum hevur lýst starvið leyst.

Umsóknarfreistin er farin. 

Hetta er aðru ferð, at roynt verður at fáa fólk í starvið.

Søkt varð fyrru ferð síðst í mars, og tá var umsóknarfreistin 23.apríl. Eingin søkti tá.

Setanarsamrøður verða nú fyrstu vikurnar í september.

Væntað verður, at nýggi landslæknin tekur við 1.november.  

Eingin ætlan um yvirtøku

Landslæknin í Føroyum er danskt málsøki. 

Seinastu trý árini, síðani Høgni D. Joensen gavst, hevur Henrik L. Hansen røkt landslæknaembætið. 

Karsten Hansen, sum var landsstýrismaður í heilsumálum í 2014, ætlaði at yvirtaka landslæknaembætið. 

Men tað var tó av ongum, áðrenn løgtingsval var í 2015.

Í løtuni eru ongar ætlanir um at yvirtaka málsøkið.