Hevði kunnað útflutt fyri eina milliard meira

Høvdavirkið í Leirvík hevði kunnað útflutt fyri minst eina milliard krónur meira, um alt av fiskinum varð tikið til lands.

Tað sigur Eirikur á Húsamørk, stjóri á Høvduvirkinum, Faroe Marine Products, í brævi til Vinnunevndina hjá løgtinginum.

Hann sigur, at um teir tveir triðingarnir av fiskinum, sum verður blakaður fyri borð aftur á fjarleiðunum, blivu tiknir til lands, síðani Høvdavirkið byrjaði, hevði Høvdavirkið megnað at útflutt fyri minst eina milliard krónur afturat.

Høvdavirkið byrjaði í 2001.

Vinnunevndin viðger uppskotið um fiskivinnunýskipan. Millum tey nógvu, sum nevndin hevur sent fundarboð, er Høvdavirkið.

Eirikur á Húsamørk vónar, at Vinnunevndin setir í fiskivinnulógina, at alt tilfengi, sum kann nytast til mannaføði, skal um føroyskan kaikant sum mannaføði.