NATO: Norðurkorea er ein hóttan

Jens Stoltenberg, aðalskrivari í NATO, er í løtuni á vitjan í Japan, har hann skal hitta Shinzo Abe, forsætisráðharra, sum hevur sagt, at Norðurkorea er størsta avbjóðingin hjá nýggju stjórnini í Japan.

Norðurkorea hevur fleiri ferðir skotið rakettir inn yvir japanskt øki, áðrenn tær eru farnar í sjógvin.

Norðurkorea hevur framt fleiri royndarspreingingar og fleiri royndir við rakettum seinastu mánaðirnar, og tað hevur hvest orðaskiftið ímillum Donald Trump, forseta og Kim Jong-un nógv. Báðir hava hótt við at leggja londini í oyði.

Tí tekur NATO undir við strangari tiltøkum ímóti Norðurkorea, sum er ein stór hóttan, fyrst og fremst í Asia, men eisini ímóti øllum heiminum, sigur Jens Stoltenberg.