- Tíðindi, mentan og ítróttur
Naggatódn í samráðingum
![](https://kvf.fo/sites/default/files/styles/news_xtra_xtra_large/public/annika_olsen_5.png?itok=ApVdK1TP)
Tað er friðarligt í sáttmálasamráðingunum millum Kommunala Arbeiðsgevarafelagið og Starvsmannafelagið.
Nýggi sáttmálin hjá sjúkrarøktarfrøðingunum er ein av orsøkunum til, at ongin semja er funnin millum partarnar. Tað sigur Annika Olsen, forkvinna í Kommunala Arbeiðsgevarafelagnum.
- Tað var sum sagt sindur truplar samráðingar, tí at tann sáttmálin, sum varð gjørdur við sjúkrarøktarfrøðingarnar skeiklaði samráðingarnar við Starvsmannafelagið. So í løtuni hendir einki, sigur hon.
Óvanliga leingi
Tað er ikki vanligt, at tað tekur so langa tíð hjá Kommunala Arbeiðsgevarafelagnum at finna semju við eitt fakfelag, sum frammanundan hevur gjørt sáttmála við Fíggjarmálaráðið, sigur hon.
- Vit mettu ikki, at man kann gera ein annan sáttmála við Starvsmannafelagið enn tann, sum Fíggjarmálaráðið hevur gjørt, og tað var man so ikki samdur um. Nú mugu vit so síggja, hvussu leikur fer fram við hesum samráðingunum, sum vit hava nú við Pedagogfelagið, og tað kemur at vera tað, sum vit leggja okkara orku í nú fyribils.
Spurd um sáttmálin við Pedagogfelagið fer at ávirka, tað sum Starvsmannafelagið kann vænta av Kommuna Arbeiðsfelagnum, svarar Annika Olsen, forkvinna, at tað er ilt at siga, tí fakfeløgini eru ymisk.
- Tað, sum plagar at vera galdandi, tá man samráðist um lønarviðurskifti, er, at tann fyrsti sáttmálin leggur eitt slag av einum støði, sigur hon.
Hoyr samrøðuna við Anniku Olsen omanfyri.
Tak niður
Sí eisini