Matstovur sleppa at hava opið til á midnátt

Matstovur sleppa nú at hava opið ein tíma longur um kvøldið uttan at bróta politiviðtøkuna.

Sambært politiviðtøkuni fyri landkommunurnar í Føroyum, áttu matstovur og aðrir handlar, sum selja mat og drekka at njóta á staðnum, at hava stongt millum klokkan ellivu á kvøldi til fimm um morgunin.

Nú kunnu vistastøð, sum tey eita í kunngerðini, hava opið til midnátt.

Tað kunnger Løgmansskrivstovan, sum hevur spurt landsstýrið og Kommunufelagið um broytingina. 

Tað stendur tó framvegis í kunngerðini, at politiið kann við undirtøku frá viðkomandi býráði ella bygdaráði loyva longri upplatingartíð enn kunngerðin sigur.