Neistin framvegis oddalið í fremstu deildini

Í fremstu hondbóltsdeildina hjá monnum vann Kyndil í gjárkvøldi stórsigur móti føroyameistarunum úr H71.

Úrslitið í høllini á Hálsi í gjárkvøldi gjørdist 25-13 til Kyndil. Hálvleiksstøðan var 14-7.

Fyrr í gjár vann Neistin 26-23 móti Team Klaksvík. Tann dysturin var eisini spældur í høllini á Hálsi.

Og í Vestmanna vann VÍF 27-24 móti KÍF.

Neistin er framvegis oddalið í fremstu hondbóltsdeildini hjá monnum.

Neistin hevur 24 stig fyri 15 dystir. H71 hevur 21 stig fyri 15 dystir, og Kyndil er á 3.plássi við 15 stigum fyri 14 dystir. VÍF hevur 14 stig fyri 13 dystir, og Team Klaksvík hevur 12 stig fyri 15 dystir.

Niðast eru StÍF og KÍF, sum hava 7 stig í part fyri 14 dystir.