Strandferðslan:kommunan eigur bíðirúmið í Nólsoy

Strandfaraskip landsins visa aftur skuldsetingunum frá Boga Andreasen, formanni í Vinnunevndini í Tórshavnar kommunu, um bíðirúmið í Nólsoy.

Samferðsludeildin sigur, at Tórshavnar kommuna eigur og varðar av bíðirúminum.

Hon sigur, at starvsfólk hjá Tórshavnar kommunu steingja og lata upp dyrnar á havnarlagnum í Nólsoy við fjarstýring úr Havn. 

Strandfaraskip landsins siga, at kommunurnar varða av umstøðunum hjá ferðafólki á landi.

Leiguavtala uppsøgd

Bogi Andreasen sigur, at Strandferðslan hevur sagt upp avtaluna við Tórshavnar havn um bíðirúmið í Nólsoy. Árliga leigan var 16.000 krónur. 

Tað er ein landsuppgáva at hava góðar umstøður til ferðafólk, áðrenn tey fara umborð á skipið, sigur býráðslimurin í Havn. 

Bogi Andreasen heitir á Henrik Old, landsstýrismann, um at halda fram við leiguavtaluni í Nólsoy.