Meirvirðisgjaldið aftur fyri sjálvboðið arbeiði

Freistin at fáa meirvirðisgjaldið aftur fyri ikki vinnuligt og almannagagnligt frítíðarvirksemi er longd til 31.desember 2019.

Tær umsoknir, sum Taks tann dagin hevur fingið, verða avgreiddar.       

Felagsskapir, stovnar og grunnar, sum gera íløgur í ikki vinnuligt, almannagagnligt frítíðarvirksemi, skulu rinda meirvirðisgjald í landskassan.

Men tey fáa allar pengarnar aftur, um tey søkja um teir frá Taks.

Treytin er tó, at íløgan er yvir eina millión krónur, og í minsta lagi triðingurin er gáva ella innsavnaður peningur við óløntum og sjálvbodnum arbeiði.

Vil Taks ikki gjalda meirvirðisgjaldið aftur, kann tann avgerðin kærast til Skatta- og avgjaldskærunevndina.