TDC og MTG leggja ikki saman kortini

MTG upplýsir, at nevndin í TDC hevur biðið um ætlanin verður slept, og TDC váttar eisini hetta í eini fráboðan til keypsskálan.

TDC var annars til reiðar at keypa norðurlendska partin av Modern Times Group fyri 15 milliardir krónur.

Keypið hevði borið í sær, at TDC fekk atgongd til innihald frá Viasat, Viaplay og TV3. 

Nógv bendir á, at samanleggingin verður av ongum, tí eitt samtak ætlar at keypa øll partabrøvini í TDC, og tað boðar TDC eisini keypsskálanum frá.

Telerisin sigur einki um, hvør liggur framvið at keypa TDC, og hvussu stórt tilboðið er. Men í síðstu viku kom fram, at danskir pensjónsgrunnar eru við í samtakinum, og at boðið er millum 47 og 48 krónur fyri hvørt partabræv.

Tá tíðindini bórust um, at samanleggingin av TDC og MTG verður av ongum, hækkaðu partabrøvini í TDC fimm prosent.