- Tíðindi, mentan og ítróttur
Heindrikur prinsur heim at doyggja
![](https://kvf.fo/sites/default/files/styles/grein-ovasta-mynd/public/prinsur.png?itok=7WVWIHce)
Tað upplýsir Kongshúsið í tíðindaskrivi.
Støðan hjá prinsinum er framvegis álvarslig.
83 ára gamli Heindrikur prinsur varð lagdur inn á Ríkissjúkrahúsið 28. januar, eftir at hann hevði verið í Sharm el Sheikh í Egyptalandi.
Kongshúsið segði tá, at staðfest er, at prinsurin hevur ein góðkynjaðan svull í vinstra lunga, og hann skuldi í viðgerð fyri lungnabruna.
Fríggjadagin boðaði Kongshúsið frá, at hann var versnaður.
Margretha drotning avlýsti ígjár almennar avtalur hjá sær fyri hesa vikuna.
Heindrikur prinsur varð pensjóneraður 31. desember 2015 og hevur síðani ongar almennar uppgávur.
Síðani er heilsan farin at bila, og í juli í fjør boðaði Kongshúsið frá, at eitt heilsufakligt starvsfólk varð sett í starv at hjálpa Heindriki prinsi.
6.september í fjør boðaði Kongshúsið frá, at Hansara Kongliga hátign, Heindrikur prinsur er dementur, skrivar JyllandsPosten.