Fjarhitafelagið vil hava bíligan streym

Fjarhitafelagið skal hava møguleika at keypa bíligan streym frá SEV. 

Tað ger kommunan greitt í hoyringarsvari, nú landsstýriskvinnan í umhvørvismálum ætlar at broyta elveitingarlógina, soleiðis at SEV fær heimild at differentiera el-prísirnar.

Sambært lógaruppskotinum skal SEV selja streym til góðkendar hitapumpur og elbilar við avsláttri, sum kann vera 40 oyru fyri hvønn kilowatt-tíma, umframt meirvirðisgjald.

Tórshavnar Kommuna tekur undir við hesum, men vil hava landsstýriskvinnuna at breiðka heimildina, so SEV eisini kann selja Fjarhitafelagnum bíligan streym.

Kommunan vísir á, at Fjarhitafelagið ætlar at seta upp vatntangar, sum kunnu hitast við avlops-streymi frá SEV. 

Harumframt heldur Tórshavnar Kommuna, at eisini sjóhitaskipanir eiga at fáa sama tilboð um bíligari streym frá SEV.

Lógarbroytingin skal eftir ætlan koma í gildi dagin eftir, at lógin er samtykt og lýst