Ikki øll eru ónøgd

Hjálparfólkini eru serliga ónøgd um, at grein 11 í lógini hjá Pedagogfelagnum varð broytt á aðalfundinum hjá felagnum, soleidis at hjálparfólk ikki kunnu hava meiriluta í nevndini.

Áðrenn broytingina stóð at: Formaðurin og fýra nevndarlimir sita í nevndini, og at minnst ein nevndarlimur skuldi vera pedagogur og minst ein nevndarlimur verda hjálparfólk.

Onki stóð um, hvørt formaðurin skuldi verða pedagogur. 

Men nú eru orðingarnar broyttar so tad stendur, at:  Formaðurin skal vera útbúgvin pedagog, og at av fýra nevndarlimum skulu minnst tveir vera pedagogar og ein hjálparfólk.

Broytingin hevur sostatt vid sær, at pedagogarnir nú ALTÍÐ hava meiriluta í nevndini í Pedagogfelagnum. Og tað eru fleiri hjálparfólk ónøgd við. 

Lønardeildin vil ikki taka støðu til, um nýggja felagið skal hava samráðingarrætt, fyrr enn samráðingar verða aftur um trý ár.

Nøkur hjálparfólk hava tikið seg úr Pedagogfelagnum, og fara í kvøld at seta á stovn eitt nýtt felag fyri hjálparfólk.

FOTO: Jógvan Olsen