- Tey ungu skulu takast við í politiska arbeiðið

Javnaðarflokkurin á Tvøroyri skal aftur til røturnar, og tey ungu skulu takast meira við í polittiska arbeiðið. Tað sigur nýggi formaðurin í Suðuroyar Norðrara Javnaðarfelag, Jens Arni Leo Hammerfoss, sum var einasta uppskotið til nýggjan formann.

Áhugin fyri javnaðarpolitikki er stórur á Tvøroyri, tað vístu nógvu fólkini sum vóru á fundinum í gjár, yvir 60 fólk.

Fólk frá báðum vengrunum vóru á aðalfundinum í gjár, hóast ósemjurnar ikki vóru stórvegis umrøddar, sigur nývaldi formaðurin.

Tað er ikki óvanligt at stríð hevur verið ímillum fólk um javnaðarpolitikkin á Tvøroyri, og eitt skifti vóru tvey Javnaðarfeløg fyri norðraru helvt.

Kortini heldur Jens Arni Leo Hammerfoss, at tað fer at bera til at samansjóða partarnar.

Hoyr innslagið omanfyri.