Suðuroyar Norðara Javnaðarfelag nýggjan formann

Suðuroyar Norðara Javnaðarfelag hevur fingið nýggjan formann. Signar P. Dam, sum hevur verið formaður í felagnum seinnu árini, stillaði ikki uppaftur. Nývaldur formaður er Jens Arni Leo Hammerfoss. Hann er eisini formaður í Humanistafelagum.

Aðalfundurin, sum var í Fylking á Tvøroyri seinnapartin í dag, var sera vælvitjaður. Stívliga 60 fólk vóru møtt.

Millum teirra var løgmaður, Aksel V. Johannesen, landsstýriskvinnan Rigmor Dam og løgtingskvinnan Kristianna Winther Poulsen. Og so var løgtingsmaðurin og býráðspolitikarin Bjarni Hammer eisini á fundinum. Kristin Michelsen møtti tó ikki. 

Fleiri høvdu roknað við ósemjum og stríði á fundinum, tí Bjarni Hammer og Kristin Michelsen hava drigið hvør sína línu í býráðnum á Tvøroyri, men hetta mál varð so at siga ikki umrøtt á fundinum.