Burka til viðgerðar í tinginum

Sagt verður í viðmerkingunum til uppskotið, sum er til samtyktar, at trúarfrælsi er grundleggjandi partur av fólkaræðinum, men við hesum frælsi fylgir eisini ábyrgdin at virða aðrar áskoðanir. 

Sjálvstýri vil hava bann fyri at hava hettu á høvdinum, sum fjalir andlitið, men hetta er ikki galdandi, um eygu, nøs og muður ikki eru fjald.

- Pløggini burka og niqab verða fevnd av banninum, og hetta er ein liður í at staðfesta mentanarligu karmarnar, sum føroyska samfelagið eigur at vera innrættað eftir, sigur Sjálvstýri í viðmerkingunum til uppskotið.