- Tíðindi, mentan og ítróttur
Sáttmálin hjá flogskiparunum longdur
![](https://kvf.fo/sites/default/files/styles/grein-ovasta-mynd/public/atlantsflog1_0.png?itok=FMzjnSFg)
Sáttmálin millum flogskipararnar og arbeiðsgevararanar er longdur til 27 apríl á miðnátt.
Í gjárkvøldið kallaði, Terje Sigurdsson, semingsmaður, Føroya Arbeiðsgevarafelag og Flogskiparafelag Føroya til fundar.
Semingsstovnurin metir, at eitt høvðusmál í samráðingunum millum partarnar ikki er nóg væl viðgjørt. Mett verður, at tað er neyðugt, at partarnir í felag viðgera henda spurningin neyvari, áðrenn samráðingar um nýggjan sáttmála halda fram, skrivar Vinnuhúsið í tíðindaskrivi.
Semingsstovnurin heitti tí á partarnar um at leingja galdandi sáttmála til 27. apríl á midnátt, og hesum eftirlíkaðu bæði Føroya Arbeiðsgevarafelag og Flogskiparafelag Føroya.
Hetta merkir samstundis, at ein møguligur arbeiðssteðgur ikki kann byrja fyrrenn leygardagin 12. mai, sigur Vinnuhúsið í tíðindaskrivi.