Stongja vegir seinnapartin

Ymisk tiltøk og kappingar eru á skránni í dag, í sambandi við at tað er flaggdagur.

Hetta merkir eisini, at ávísir vegir eru stongdir ein part av seinnapartinum í dag.

Í Tórshavn verður gongugøtan frá Sverrisgøtu oman á Vaglið og Áarvegurin frá Vaglinum til Havnagøtu stongd. 

Eisini verður stongt í Mylnugøtu og í niðasta parti av Tinghúsvegnum.

Frá klokkan 15.30 til 17.30 verður Áarvegur stongdur, stongt verður frá Vaglinum til Havnagøtu og til rundkoyringina úti við Skansan. 

Vegurin Yviri við Strond frá rundkoyringini til Hoyvíksvegin verður eisini stongdur hetta tíðarskeiðið.

Frá klokkan 14.00 til 17.00 er Tórsgøta stongd, tí har hava Føroya Ellisakfør framsýning.

Eisini í Klaksvík verða vegir stongdir. Flaggdagshald verður í Vágstúni klokkan 14, og tí er ongin gjøgnumkoyring frá klokkan 13.30, og til haldið er liðugt.