Fiskurin bíðar ikki

Móttøkuorkan á landi er ikki tann sama, aftaná at virkið hjá Varðanum Pelagic á Tvøroyri brendi í fjør.

Hetta merkist í samband við svartkaftafiskiskapin. Tí tað kemur javnan fyri, at skip mugu bíða við at sleppa framat at landa. 

Tí er tað alneyðugt at føroysk uppsjóvarskip sleppa at landa svarkjaft uttanlands. 

Tað heldur Bogi Jacobsen, stjóri á Varðanum Pelagic. 

- "Tá mann hevur við fisk at gera, tá kann mann ikki siga við fiskin, at hann skal bíða, til mann er klárur at landa. Mann má fiska, meðan fiskur er", sigur Bogi Jacobsen.

Fyrst í juni verður nýggja virkið hjá Varðanum Pelagic royndarkoyrd. 

Bogi Jacobsen roknar við, at nýggja virkið á Tvøroyri verður klárt til at taka í móti makreli í august.