Útbyggja frítíðarskúlan á Nesi

Útbyggja frítíðarskúlan á Nesi
Bygdaráðið í Nes kommunu hevur samtykt at bjóða út arbeiðið at útbyggja frítíðarskúlan á Brekkukletti, og at byggja nýggj hølir til barnagarðin
 
02.06.2018 - 09:27

Nes kommuna keypti í 2006 eini sethús á Brekkukletti til frítíðarskúla. Men tað er vorðið ov trongligt. 

Avgerð er nú tikin um at taka tilbygningin suðureftir niður, og byggja tvær hæddir uppaftur, so frítíðarskúlin verður víðkaður við gott 150 fermetrum. Harumframt verða umvælingar og dagføringar gjørdar á verandi bygning. Mettur kostnaðurin fyri hetta er 3,2 mió. kr.

Eisini í barnagarðinum er við at gerast ov trongligt. Fyri at nøkta framtíðartørv er samtykt at byggja nýggjan bygning í tveimum hæddum suður frá og saman við frítíðarskúlanum, sum skal hýsa elstu børnunum í barnagarðinum. Hvør hæddin verður 150 fermetrar og í fyrsta umfari verður bara ovara hæddin innrættað. Mettur kostnaður er 4,7 mió. kr.

Eftir ætlan verður arbeiðið boðið út í summar, sæst á heimasíðuni hjá Nes kommunu.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486