- Tíðindi, mentan og ítróttur
Føroyingur við í verkætlan fyri 103 milliónir
Føroyingur við í verkætlan fyri 103 milliónir
Ein røð av íleggjarum hava sett 103 milliónir krónur í fyritøkuna Pleo, sum føroyingurin Rene Bischoff var við til at seta á stovn í 2016.
02.06.2018 - 16:01
Rene Bischoff arbeiðir enn software arkitektur hjá Pleo, sum arbeiðir innan økið, sum kallast "fintech". Tað vil siga "tøkni", sum verður framleidd til fíggjarlig viðurskifti.
Tað eru fýra ymiskir - danskir og svenskir - íleggjarar, sum samanlagt hava sett 103 milliónir krónur í Pleo.
Tá fíggingargrunnar seta pening í verkætlanir, vænta teir, at fáa íløguna antin 100 ella 1000 ferðir aftur.
Tað sigur Rúnar Reistrup, stjóri í Hey, sum sjálvur hevur drúgvar royndir við at fáa til vega altjóða fígging til start up fyritøkur.
- Tá ein fíggingargrunnur ger eina íløgu á 100 milliónir krónur, vil hann hava eina milliard krónur, minimum", sigur Rúnar Reistrup.
Er kopiera
Nýggjastu sendingar í ÚV
Nýggjastu sendingar í SV
