Ellu Fitzgerald til minnis

Innan jazztónleikin var Ella Fitzgerald millum tey allarfremstu við síni einastandandi sangrødd, og um vikuskiftið verður tónleikur hennara at hoyra í Norðurlandahúsinum og í Løkshøll. Tórshavnar Big Band fer at spæla undir hjá seks sangarum, ið fara at syngja sangir hennara.

Konsertirnar verða leygarkvøldið kl. 19.30 í Norðurlandahúsinum og sunnukvøldið kl. 20 í Løkshøll í Runavík.