Jaspis aftur til fiskiskap

Jaspis fór til fiskiskap aftur fríggjadagin, tá hann og Ametyst fóru at samtrola sum ætlanin var týsnáttina í farnu viku, tá Jaspis fór á land sunnan fyri vitan á Kalsoynni.

Hann varð fingin av aftur týsdagin og sigldi til Havnar, har hann varð tikin upp á skipasmiðjuni Mest til kanningar.

Jaspis fekk ikki stóran skaða, tá hann fór á land. Veðrið var gott.

Sjófrágreiðing hevur ikki verið um hendingina.