Verkfall í norsku frálandsvinnuni

880 arbeiðsfólk aftrat í norsku frálandsvinnuni eru farin í verkfall, og tilsamans eru 1550 fólk rakt av verkfalli, skrivar NTB.

Felagið hjá oljuarbeiðsfólkunum, Safe, og reiðarafelagið høvdu fund aftur í gjár, í eini roynd at finna semju, men einki spurdist burturúr.

670 fólk í frálandsvinnuni fóru í verkfall fyri einari viku síðani.

Stríðið stendur um løn og pensjón.

Safe sigur, at reiðarafelagið ætlar gera pensjónsskipanina verri, og lønargongdini hjá limunum í Safe er eisini verri enn hjá øðrum oljuarbeiðsfólkum, sigur felagið.