Føroyingar keypa fleiri nýggjar bilar

Tølini eru fyri teir fyrstu sjey mánaðirnar í 2018.

Í 2018 eru 1.828 nýggj akfør innflutt, og hetta er 174 fleiri akfør enn sama tíðarskeið í fjør. Teir fyrstu sjey mánaðirnar í fjør vóru 1.654 nýggj akfør innflutt. 

Um vit hyggja eftir innflutninginum av akførum tilsamans er nógv tann størsti parturin persónsbilar. Higartil í ár eru 1.373 persónsbilar innfluttir. Í fjør vórðu 1.194 persónsbilar innfluttir. Og tað vil siga, at vit hava innflutt 179 fleiri persónsbilar fyrstu sjey mánaðirnar í ár samanborið við sama tíðarskeið í fjør. 

Tølini kunnu lesast á heimasíðuni hjá akstovuni, akstovan.fo.