Uppboðssølurnar í 2018 góvu 143 milliónir

Seinasta uppboðssølan av fiskatilfeingi í ár er nú avgreidd, og á botnlinjuni stendur, at uppboðssølurnar í ár hava givið tí almenna tilsamans 143.387.010 milliónir krónur.

Uppboðssølan, sum var í dag, var afturlatin, og 1, 3 og 8 ára rættindi at veiða sild í føroyskum, íslendskum og NEAF-C øki vórðu seld.

Næraberg og Varðin vunnu øll uppboðini í dag.

1-ára rættindini fóru fyri hálvatriðju krónu kilo, 3-ára rættindini fyri 2 krónur og 75 oyru og 8-ára rættindini fóru fyri 2 krónur og 95 oyru.

Næraberg og Varðin keyptu fyri tilsamans 19,6 milliónir krónur av sildarættindum í dag, og tilsamans eru altso rættindi seld fyri góðar 143 milliónir krónur í ár.