Kongaliga vitjanin endar í dag

Í dag fara Fríðrikur krúnprinsur, Mary krúnprinsessa og børn teirra av stað aftur.

Seinastu bygdirnar, ið verða vitjaðar, eru í Vágum.

Klokkan 10.30 fara kongaligu gestirnir til guðstænastu í Sandavágs kirkju, og beint eftir guðstænastuna verður farið til Bíggjar, har borðreitt verður í gamla pakkhúsinum í Bø.

Um hálvgum trý tíðina fer krúnprinsafamiljan avstað aftur til Danmarkar við flogfari hjá Atlantic Airways.

Á vitjanini í Føroyum hava Mary, Fríðrikur og børnini vitjað í Havn, Klaksvík, Kirkju, Hattarvík, Mikladali, Runavík, Hvalvík, Haldarsvík, Tjørnuvík, Sandavági og í Bø.