Uppboðssølan skal broytast

Verandi uppboðssøluskipan leggur upp til ójavna kapping.

Tað heldur landsstýrismaðurin í fiskivinnumálum, Høgni Hoydal.

- Tí skal hon broytast, sigur hann.

Teir verandi keyptu

Meira ella minni somu virkandi, sum frammanundan vóru í fiskivinnuni, keyptu rættindini, ið vórðu boðin út á uppboðssølu í ár.

Tilsamans vórðu góð 117 túsund tons seld á uppboði í ár og av teimum keypti Næraberg ein slakan triðing og Varðin ein fjórðing.

Ætlanin var annars, at uppboðssølan skuldi verða eitt høvi hjá nýggjum aktørum at sleppa framat fiskatilfeinginum.

- Tað hevur ikki riggað í nóg stóran mun, ásannar landsstýrismaðurin.

Samgongan ætlar nú at gera broytingar, ið skulu verða teimum til fyrimunar, ið ikki hava eginkvotur frammanundan.