Sumbiar kommuna vil byggja kirkjugarð á Leiti

Kommunan hevur sett av pening á fíggjarlógini fyri næsta ár at keypa økið á Leiti, tí kirkjugarðurin skal víðkast.

Verðandi kirkjugarður er ikki fullur. Eini 20 legur eru eftir, sigur Eyðbjørn Thomsen, borgarstjóri. Næsta ár verður farið undir at velta jørðina. 

Eisini í Miðvági verður arbeitt við at víðka kirkjugarðin.

Kommunan hevur keypt lendi fyri 1.6 milliónir krónur at brúka til kirkjugarð. Talan er um góðar 16.000 fermetrar av jørð, sum er beint við gamla kirkjugarðin. 

Hetta økið skal partvíst brúkast til kirkjugarð og betri parkeringsviðurskifti har, men eisini til íbindingarveg til kirkjugarðin og miðstaðarøki.

Í løtuni verður grivið út, so at kirkjugarðurin í Miðvági fær 50 legur afturat.