Útvarpið hoyrist ikki allastaðni í løtuni

Útvarpið hoyrist ikki allastaðni í landinum í morgun. 

Orsøkin er, at snarljós í nátt sló niður í sendaran á Sornfelli. 

Sum skilst hoyra fólk í Kollafirði, Kvívík og á Stykkinum enn ikki útvarpið. 

Sambært Føroya Tele, sum umsitur sendinetið, so verður arbeitt við trupulleikanum. Føroya tele veit enn ikki at siga, nær øll hoyra útvarpið aftur.