Viðmerkjari: Samgongan heldur aftur, hóast valár

- Vanligt er, at fleiri íløgur koma á skránna í einum valári, men í fíggjarlógaruppskotinum verður hildið aftur fyri at taka trýstið av búskapinum.

Tað heldur Ragnar Joensen, stjórnmálafrøðingur, sum gjørdi viðmerkingar til fíggjarlógaruppskotið í sjónvarpinum í kvøld.

Hann segði, at Búskapargrunnurin verður raðfestur, og ætlanin er at gjalda skuld.

Hinvegin hevur Ragnar Joensen lagt til merkis, at eitt nú bygningurin til Sjóvinnustýrið í Vágum er útsettur, hóast semja hevur verið í tinginum um at byggja hann.